
Lyrics
Dil Mera Shaad Kar Jaldi Jaldi
Ek Nazar Daal Kar Jaldi Jaldi
Saath Imaan Ke Ishq-e-Sarkar Mein
Zindagi Ho Basar Jaldi Jaldi
Gumbad-e-Sabz Ho Jab Mere Saamne
Rooh Parwaaz Kar Jaldi Jaldi
Hukm-e-Aaqa Hai Sehri Mein Taakheer Kar
Roza Iftaar Kar Jaldi Jaldi
Der Woh Jis Mein Ho Subah Hone Ka Shak
Der Itni Na Kar Jaldi Jaldi
Ho Ghuroob-e-Aaftaab Ka Ghaalib Gumaan
Bas Phir Iftaar Kar Jaldi Jaldi
Istita'at Khuda De To Hajj Ke Liye
Jaaye Haan Magar Jaldi Jaldi
Sun Ke Naam-e-Nabi Padh Durood Aap Par
Der Hargiz Na Kar Jaldi Jaldi
Ho Gaya Shaq Qamar Shams Ulta Phira
Hukm-e-Sarkar Par Jaldi Jaldi
Thaam Lo Daaman-o-Dast-e-Maula Ali
Chhod Kar Dar Badar Jaldi Jaldi
Jitne Aada-e-As'haab Hain Bil-Yaqi
Paayenge Sab Saqar Jaldi Jaldi
Bhaag Jaata Tha Shaitaan Khud Chhod Kar
Raah-e-Hazrat Umar Jaldi Jaldi
Ranj-o-Gham Door Honge Madad Ke Liye
Ghaus Ko Yaad Kar Jaldi Jaldi
Ye Hai Khwaja Ka Dar Sun Lo Ae Taajwar
Tek Do Apna Sar Jaldi Jaldi
Naz'a Ka Waqt Hai Apne Beemaar Par
Ho Karam Ki Nazar Jaldi Jaldi
Main Akela Raha Saath Waale Gaye
Qabr Mein Chhod Kar Jaldi Jaldi
Hoon Pareshaan Sawaal-e-Nakireen Se
Aao Khair-ul-Bashar Jaldi Jaldi
Qabr Mein Aa Rahe Hain Shah-e-Ambiya
Uth Ke Ta'zeem Kar Jaldi Jaldi
Ba-Adab Ishq Mein Padh Durood-o-Salaam
Unke Deedaar Par Jaldi Jaldi
Pul Se Jaati Hai Ab Ummat-e-Mustafa
Aao Jibreel Idhar Jaldi Jaldi
Naat Kehta Hai "Syed Aal-e-Mustafa"
Ba-Tufail-e-Gauhar Jaldi Jaldi
✍️ Awulaade Huzur Gause A'azam Shazaada E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana
SAIYED MUHAMMAD AALE MUSTAFA DAADA BAAPU QUADIRI BARKAATI
Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya
(Jafarabad,Sharif,Kathhiyawad, Gujrat,India)
More Related Kalaam
Explore more Naat Sharif, Hamd and Manqabat from this blessed collection
Ishq-e-Ahmad ki chaashni lekar Jeena marna hai zindagi lekar Aisa jee lo Nabi ki ulfat mein
Dushman se kya dabenge hum hain ghulam Gauhar Baatil ka radd karenge hum hain ghulam Gauhar Hazrat Zaheer Millat de kar gaye jo maslak
Allah Ki Rehmat Ka Khazina Qareeb Se Dekha Hai Mustafa Ka Madina Qareeb Se Lete Hain Jis Zameen Pe Sarkar Do Jahan
Farz Hai Musalman Par Ilm-e-Deen Haasil Kar Tu Bhi Hai Musalman Gar Ilm-e-Deen Haasil Kar Chahe Ho Iqaamat Jidhar Ilm-e-Deen Haasil Kar
