Farz Hai Musalman Par Ilm-e-Deen Haasil Kar

Farz Hai Musalman Par Ilm-e-Deen Haasil Kar

Tu Bhi Hai Musalman Gar Ilm-e-Deen Haasil Kar

Chahe Ho Iqaamat Jidhar Ilm-e-Deen Haasil Kar

Chahe Ho Musalsal Safar Ilm-e-Deen Haasil Kar

Bartari Ata Hogi Do Jahaan Mein Tujh Ko

Dekhna Hai Ae Kam-Tar Ilm-e-Deen Haasil Kar

Aadhi Roti Khaane Ka Main Kabhi Nahin Kehta

Aakhi Roti Hi Kha Kar Ilm-e-Deen Haasil Kar

Zindagi Guzarega Jaanwar Ki Maanind Kyun

Jabke Insaan Hai Tu, Par Ilm-e-Deen Haasil Kar

Gar Tu Sunni Muslim Hai Chhota Aur Bada Kya Hai

Ae Pisar Tu Aur Ae Pidar Ilm-e-Deen Haasil Kar

Apna Hai Paraaya Hai Ye Kaise Jaan Paayega

Is Liye Zara Barh Kar Ilm-e-Deen Haasil Kar

Paas Aayegi Tere, Chume Gi Qadam Tere

Kaamyaabi Khud Chal Kar Ilm-e-Deen Haasil Kar

Ilm-e-Deen Ko Rab Ne Is Liye Banaaya Hai

Ho Sadaa Amal Is Par Ilm-e-Deen Haasil Kar

Toot Jaayegi Tere Nafs Ki Akad Saari

Pesh Aayega Jhuk Kar Ilm-e-Deen Haasil Kar

Pehle Deen-o-Sunnat Ki Taleem Apni Haasil Kar

Baad Mein Tu Ban Doctor Ilm-e-Deen Haasil Kar

Farz Bhi Ada Hoga, Deen Ki Samajh Paayega

Ho Bhi Jaayega Mo'tabar Ilm-e-Deen Haasil Kar

Baat Hai Bas Al-Mukhtasar Ilm-e-Deen Haasil Kar

Ilm-e-Deen Haasil Kar, Ilm-e-Deen Haasil Kar

Denge Ilm Ki Daulat Bil-Yaqeen Tujhe "Sayyed"

"Aal-e-Mustafa" Gohar Ilm-e-Deen Haasil Kar

✍️ Awulaade Huzur Gause A'azam Shazaada E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana

SAIYED MUHAMMAD AALE MUSTAFA DAADA BAAPU QUADIRI BARKAATI

Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya

(Jafarabad,Sharif,Kathhiyawad, Gujrat,India)