Paida Jo Agar Shafi-e-Mahshar Nahin Hota

Paida Jo Agar Shafi-e-Mahshar Nahin Hota

Rahmat Bhara Aalam Ka Ye Manzar Nahin Hota

Jis Dil Mein Ho Aaqa Ki Mohabbat Ka Basera

Wallah Woh Hargiz Kabhi Khandhar Nahin Hota

Ishq-e-Rasool Pinhan Agar Qalb Mein Hota

Hota Gulaab Jaisa, Ke Kikar Nahin Hota

Dushman Hai Woh Apna Bhi Saga Bhai Ho To Kya

Dushman Nabi Ka Apna Baradar Nahin Hota

Qurb-e-Raza Na Chhode Jo Sunni Ho Tanatan

Rehta Hai Unse Door Jo Kattar Nahin Hota

Radd-e-Wahabiyat Ka Jo Munkir Hai To Sun Le

Kalma Badal De, Zeeba Ye Tujh Par Nahin Hota

Woh Kaam Tune Karke Dikhaya Bade Miyan

Jo Deobandiyon Se Bhi Khul Kar Nahin Hota

Aiwaan Ye Masjid Mein Laga Di Hai Screen

Sun Lijiye, Masjid Kabhi Theater Nahin Hota

Ban Baithe Hain Ameer Jo Hain Jahil-e-Mutlaq

Jahil Kabhi Bhi Deen Ka Rahbar Nahin Hota

Hain Lakhon Hazaaron Jo Dikhate Hain Rasta

Har Raah Dikhane Wala To Rahbar Nahin Hota

Karta Na Sunniyon Ke Aqeede Ki Hajaamat

Sufi Ki Shakal Mein Jo Tu Babbar Nahin Hota

Zikr-e-Rasool Raqs-Kunaan Be-Adabi Hai

Aamil Ho Sunnaton Ka, Woh Dancer Nahin Hota

Ae Kaash Bazahir Abhi Ahmad Raza Hote

Jeena Hamara Is Tarah Dubhar Nahin Hota

Naapa Zaheeri Qadri Ne Sab Ko Phir Kaha

Akhtar Raza Ke Koi Barabar Nahin Hota

Ghere Hain Chaaron Simt Se Be-Daal Ke Bodam

Kya Hota Chaman Ka Agar Akhtar Nahin Hota

Khaane Ko Bhi Taraste Aur Peene Ko Taraste

Jaari Jo Har Soo Aaqa Ka Langar Nahin Hota

Darbar-e-Mustafa Hai "Sayyid Aal-e-Mustafa"

Alhamdulillah, Warna Koi Dar Nahin Hota

✍️ Awulaade Huzur Gause A'azam Shazaada E Huzur Zahire Millat Alam Bardaare Maslake A'ala Hazrat Pire Tariqat Hazrat Allaama Wa Maulaana

SAIYED MUHAMMAD AALE MUSTAFA DAADA BAAPU QUADIRI BARKAATI

Qadim Markaze Ahle Sunnat Khanquahe Aaliya Quadiriyyah Razzaaqiyyah Shaah Rizqullaah, Shaah Gauhar Piya

(Jafarabad,Sharif,Kathhiyawad, Gujrat,India)