Rahmat-o-Anwaar Mein Ghotah Laga Kar Dekhiye
Saiyed Aale Mustafa
Qadri Barkati
Lyrics
Rahmat-o-Anwaar Mein Ghotah Laga Kar Dekhiye,
Sunniyo! Meezab-e-Rahmat Mein Naha Kar Dekhiye.
Laayenge Tashreef Dil Mein Sarwar-e-Kaun-o-Makan,
Apne Dil Ko Un Ke Jalwon Se Saja Kar Dekhiye.
Dil Lagi Kehte Hain Kis Ko Yeh Pata Chal Jayega,
Taajdar-e-Anbiya Se Dil Laga Kar Dekhiye.
Roshni Hi Roshni Ho Jayega Tareek Dil,
Dil Mein Un Ke Ishq Ki Shama Jala Kar Dekhiye.
Aap Ke Qadmon Ko Choomegi Baqa Ki Manzilein,
Mustafa Ke Ishq Mein Khud Ko Fana Kar Dekhiye.
Hazir-o-Nazir Hain Aqa Aayenge Imdad Ko,
Ya Rasool Allah Ka Naara Laga Kar Dekhiye.
Hai Wo Sunni Ya Wahabi Jaanchne Ke Waaste,
Zindabad Ahmed Raza! Naara Laga Kar Dekhiye.
Khud Ba Khud Karne Lago Ge Ta'zeem-e-Ahmed Raza,
Ishq-e-Mahboob-e-Khuda Dil Mein Basa Kar Dekhiye.
Aala Hazrat Ki Raza Hasil Tumhein Ho Jayegi,
Khidmat-e-Sadat Mein Umrein Bata Kar Dekhiye.
Shah Zaheer-e-Qadri Ki Rooh Khush Ho Jayegi,
Tazkira Ahmed Raza Ka Ja Ba Ja Kar Dekhiye.
Azmat-e-Sarkar Khud Pehchan Lo Ge Najdiyoh!
Aankh Mein Surma Bareilly Ka Laga Kar Dekhiye.
Saa'at-e-Urs-e-Raza Hai Bilyaqeen Hogi Qabool,
Saiyed Aal-e-Mustafa Tum Jo Dua Kar Dekhiye.
✒️ Aulad E Huzur Gaus E Aazam Sahzada E Huzur Zahire Millat Alambardare Maslake Aala Hazrat Peere Tariqat Hazrat Allama Maulana
SAIYED MUHAMMAD AALE MUSTAFA DADA BAPU QADRI BARKATI
(Jafrabad, Sharif, Gujrat)
