Waqt-e-Maghrib Ko Jo Waqt-e-Asr Banane Wale

Waqt-e-Maghrib Ko Jo Waqt-e-Asr Banane Wale,

Lamhe Mein Dooba Hua Shams Phirane Wale.

Sahib-e-Taaj Bhi Tu, Sahib-e-Me'raj Bhi Tu,

Arsh Par Ja Ke Jo Lamhe Mein Hain Aane Wale.

Sakht Mujrim Hoon, Bacha Hashr Ki Ruswayi Se,

Ae Gunahgaar Ko Daman Mein Chhupane Wale.

Mere Dil Ko Bhi Jila Do Mere Aqa! Ab To,

Sun Lo Faryaad Meri, Murde Jilane Wale.

Ahl-e-Sunnat Ka Aqida Hai, Haqeeqat Bhi Yahi,

Zinda-o-Javed Hain Shah Ke Gharane Wale.

Zindagi Rahmat-e-Aalam Ki Wafadari Hai,

Maut Ghaddari Hai, Ae Rukh Ko Phirane Wale.

Ghaus-e-Azam Ki Himayat Ka Hai Panja Hum Par,

Soch Le Itna Zara, Aankh Uthane Wale.

Kya Bigadega Mukhalif Koi Mumkin Hi Nahi,

Ghaus-e-Azam Hain Meri Bigdi Banane Wale.

Meri Taqreer Buri Ho To Bhali Kar Aqa,

Chor Ko Lamhe Mein Abdal Banane Wale.

Deen-e-Ahmed Humein Yoon Hi Nahi Hasil Hai Hua,

De Gaye Karb-o-Bala Mein Sar Katane Wale.

Ahl-e-Imaan Jise Kehte Hain Aala Hazrat,

Wo Bareilly Mein Hain Islam Bachane Wale.

Gharq Hain Bilyaqeen Darya-e-Ghalat Fahmi Mein,

Aaine Jaisa Hi TV Ko Batane Wale.

Sakht Naraaz Khuda Aur Nabi Hote Hain,

Sun Lo Ae Shauq Se Tasweer Khinchane Wale.

Pur Fitan Daur Mein Kehti Hai Sadaqat Ro Kar,

Ae Kahan Chhup Gaye Haq Baat Batane Wale.

In Se Bachna Jo Hain Makkar Bashakl-e-Sufi,

Deen Ki Aad Mein Jo Hain Duniya Ko Kamane Wale.

Fikr To Qabr Ke Ghanghor Andhere Ki Karo,

Hath Mein Chaand Zamane Ko Dikhane Wale.

Meri Manzil Hai Baqi, Mujh Ko Madina Pahoncha,

Ae Meri Zeest Ki Kashti Ko Chalane Wale.

Naaz Kar Hazrat-e-Gauhar Ki Inayat Par Tu,

Tujh Ko "Saiyed" Jo Hain Ash'aar Likhane Wale.

✒️ Aulad E Huzur Gaus E Aazam Sahzada E Huzur Zahire Millat Alambardare Maslake Aala Hazrat Peere Tariqat Hazrat Allama Maulana

SAIYED MUHAMMAD AALE MUSTAFA DADA BAPU QADRI BARKATI

(Jafrabad, Sharif, Gujrat)

وقتِ مغرب کو جو وقتِ عصر بنانے والے

لمحے میں ڈوبا ہوا شمس پھرانے والے

صاحبِ تاج بھی تو، صاحبِ معراج بھی تو

عرش پر جا کے جو لمحے میں ہیں آنے والے

سخت مجرم ہوں، بچا حشر کی رسوائی سے

اے گنہگار کو دامن میں چھپانے والے

میرے دل کو بھی جِلا دو میرے آقا! اب تو

سن لو فریاد میری، مردے جِلانے والے

اہلِ سنت کا عقیدہ ہے، حقیقت بھی یہی

زندہ و جاوید ہیں شہ کے گھرانے والے

زندگی رحمتِ عالم کی وفاداری ہے

موت غداری ہے، اے رخ کو پھرانے والے

غوثِ اعظم کی حمایت کا ہے پنجہ ہم پر

سوچ لے اتنا ذرا، آنکھ اٹھانے والے

کیا بگاڑے گا مخالف کوئی ممکن ہی نہیں

غوثِ اعظم ہیں میری بگڑی بنانے والے

میری تقریر بری ہو تو بھلی کر آقا

چور کو لمحے میں ابدال بنانے والے

دینِ احمد ہمیں یوں ہی نہیں حاصل ہے ہوا

دے گئے کرب و بلا میں سر کٹانے والے

اہلِ ایمان جسے کہتے ہیں اعلیٰ حضرت

وہ بریلی میں ہیں اسلام بچانے والے

غرق ہیں بالیقیں دریاۓ غلط فہمی میں

آئینے جیسا ہی ٹی وی کو بتانے والے

سخت ناراض خدا اور نبی ہوتے ہیں

سن لو اے شوق سے تصویر کھنچانے والے

پر فتن دور میں کہتی ہے صداقت رو کر

اے کہاں چھپ گئے حق بات بتانے والے

ان سے بچنا جو ہیں مکار بشکلِ صوفی

دیں کی آڑ میں جو ہیں دنیا کو کمانے والے

فکر تو قبر کے گھن گھور اندھیرے کی کرو

ہاتھ میں چاند زمانے کو دکھانے والے

میری منزل ہے بقیع، مجھ کو مدینہ پہنچا

اے میری زیست کی کشتی کو چلانے والے

ناز کر حضرتِ گوہر کی عنایت پر تو

تجھ کو "سید" جو ہیں اشعار لکھانے والے

✒️ اولاد حضور غوث اعظم شہزادہ حضور ظہیر ملت علمبردار مسلک اعلیٰ حضرت پیر طریقت حضرت علامہ مولانا

سید محمد آل مصطفیٰ دادا باپو قادری برکاتی

(جعفرآباد، شریف، گجرات)